Aaj kal main logo ki jaan hu.
Par kabhi kabhi jaan choosne waala bhi main hi hu kehte hai.
Main apne safar mein itna aage aa gaya hu ki kuch log toh mera pehla naam jaante bhi nahi.
Mera asli kaam dur baithe dost aur parivaar se baate karna tha.
Ab lagta hai main bajne se zyaada ti-ti karta hu.
Agar ti-ti nahi bhi karta hu toh bhi log mujhe dekhne lagte hai.
Pataa nahi kya khoobsurati chupi hai mujh mein, main toh sharma hi jaata hu.
Kabhi kabhi toh mujh pe ghanto bita dete hai.
Na khud sote hai aur na hi mujhe sone dete hai.
Kehte hai insaan sabse tez prani hai.
Par jisko ye hi nahi pataa ki mujhe dekhna kyu shuru kiya tha usne, woh tez se zyaada gum ya majboor lagta hai mujhe.